هو دة الشعب المصرى

بسم الله الرحمن الرحيم


النهاردة جاى مضايق جدا عمال افكر فى الجملة دية
هو دة الشعب المصرى ترددت كثير فى الاونة الاخيرة بين الشباب


طب انا بقى مش عارف مالة الشعب المصرى لما تلاقى واحد
بيلعب بلاى ستيشن مع صحابة اول ما يخسر يقوولك يااة ع الصدف
هوا دة الشعب المصرى طب هوا الشعب المصرى دة هوا الى ماسك
الجاك وبيلعب والا هوا الى عامل الخطة ومنزل اللعيبة يمكن انا خرفت


والى اغرب واعجب انى بحس ان الى يتكلم دة مش من الشعب المصرى
من الشعب السنغافورى الشقيق


ومرة كنت قاعد انا وواحد صاحبى لقيتة عمال يتكلم ع السياسة
ويقولك اية بقى بيقول لما الحكومة مش عارفة تحكم الشعب امال الشعب
ساكت لية هو دة الشعب المصرى لحد لما قرب اكرة نفسى وقربت اكرة الحكومة
وقربت اكرة الشعب الـ.... لالالا اوعى حد يفهمنى صح


انا بفخر كل الفخر انى من الشعب المصرى العريق شعب الثورات
شعب بيعرف يجيب حقة وهو محترم نفسة ومن غير ما يهون نفسة ولا غيرة
الشعب الى بيساعد كل شعوب العالم فى كل حاجة مش كل حاجة اوى يعنى
الشعب الى بيساعد بعضة الى بيفرح بفرح الشعب وبيحزن بحزنهم بردة


الكلمة الى اقدر اقولها عن الشعب المصرى اجمد شعوب العالم [كدة وكدة]


بجد احنا لازم نفخر بنفسنا بس بدون مهاترات والا تعالى على حد وبدون تكبر


فى الاخر احب اشكر كل واحد قرأ الموضوع البسيط دة ولو حد ما سابش رد
يبقى من الشعب المصرى