رحلتي مع اعوجاج العمود الفقري مع العلاج السحري بأذن الله

في الحقيقه اود ان اسرد لكم حكايتي مع المرض املا ان تتفادو ماحصل معي من جوانب سلبيه لانه انا وبصراحه احس بتعاطف شديد مع اصحاب هذا المرض واتمنى ان اقدم لهم معاناتي على امل تخفيف معاناتهم ان شاء الله وعلى قول المثل (اللي يده في الماء مش زي اللي يده في النار ) وعلى قول المثل خخخخخخ (ياخي صجيتنا بامثلتك خش في الموضوع) وعلى قول المثل ههههههه يالله نبدأ
بدايتي مع المرض كانت منذ الصغر ( حسب كلام الدكتور ) فقد كنت من هواة كرة القدم وحمل الاوزان ايضا على العموم كان اكتشاف المرض في عمر حوالي 17 سنه ( لاحظو اول خطأ وقعت فيه وهو الاهمال )حيث ان الاهمال هو الذي ادى الى تفاقم الحاله وانا ماسويت العمليه لين ماوصلت 23 سنه تقريبا يعني اهمال حوالي ست سنين وبصراحه مااخفيكم انا كنت مستبعد احتمال العمليه هذا نهائيا وزي ماتعرفون في البلد ناس يعالجون طبيعي وغالبيتهم مايعرفو لابصل ولابطيخ على العموم رحت لهم وعجنوني عجين لين ماقلت حي على الصلاه وبعضهم يجلس على ظهري ويقولي ياحبيبي لو تبي العافيه اصبر وبصراحه صبرت صبر ايوب لكن بعد فتره اكتشفت اني كبش ههههههههههههه
على العموم نسبه الاعوجاج تبعي قبل العلاج الكرواتي هذا كانت 45 بالميه وبعد ما عجنوني زادت النسبه لحد ماوصلت 73 بالميه وهنا كانت تجيني الام لحد ماتطرحني بالارض بدون حركه مده 3 الى 5 دقايق لين مايخف الالم وبعدين اقوم على العموم رحت لعند الدكاتره تبعنا وبصراحه انا بعطي دكاترتنا شهاده في تحطيم المعنويات لما شافني الدكتور واتحفظ على اسمه قلي وش ذا قلت له ذا ظهري قلي ولسه عايش هههههه كان نفسي اشوته ضفر على العموم قلي خلاص انتا لو طولت اكثر راح يكون عندك نزيف وعندها انا دق عندي جرس المدرسه قصدي جرس الخطر وقلت خلاص ياتلحق ياماتلحق حجزت على مصر وبصراحه اول ماوصلت وقابلت الدكتور كان دكتور حبوووب صراحه وطمني وقلي ( يابني لو كنت جيت ابل كده كنت ضبطتك كويس انما انتا اتأخرت كتير) قلت ياحليلي قفلت معاي على العموم قلي متخفش ابدا انا حوريك صور لشباب عمل لهم عمليه قبلي وبصراحه كان الدكتور فلته ومجنن في العمليات المهم قلت اتوكل وعملت العمليه اخذت مني العمليه حوالي سبع ساعات ونص والحمد لله خفيت كثير ولكن على المريض انه مايتوقع تكون نسبه الفايده بنسبه 100 بالميه لا بصراحه انا كنت متوقع كذا صدمت في البدايه لكن حمدت الله وتقبلت الامر الواقع وصدقوني هالكلام مجرب ( اللي يرضى بقضاء الله وقدره ويحمد يجعل الله له من كل هم فرجا ومن كل ضيق مخرجا ) وقلت بنفسي يابوحميد انتا سويت اللي عليك وسلم امرك لله وفعلا ياحبايب اكتشفت سلاح كنت غافل عنه كثير وهو مفيد جدا للتماسيح اللي يبغون الزواج او اي واحد صطل يبي فلوس كثير اما على صعيد العلاج فأنا شفت بعيني تحسن حالتي حتى بعد العمليه
ومع انو هذي الرحله حملت معاناتي الا انها كانت احلى رحلاتي وتعرفت على ناس احلى من العسل وسمعنا قصص غريبه واحد باع بقرة على شان يسوي عمليه وواحد ثاني باع شبس سنه عشان يجيب مصاريف العلاج وبصراحه دنيا توريك العجب بس لاحد يقولي انتا كيف جبت فلوسك خخخخخ(الضاهر انها من النصب يارب سامحنا ههههههههه)
وبصراحه انا كنت متردد كثير اكتب لكم هذا الموضوع ولكن قلت لو حصل لي تحسن بعد العمليه عن طريق هذا الشي راح اكتب لكم يعني لازم تعرفو انه عشان خاطر هذا الشي كتبت موضوعي والا ماكنت كتبت شي اصلا الضاهر اني شوقتكم شويه السلاح هو سلاح (الاستغفار) اي والله انه الاستغفار يكفي ان الله عز وجل قال عنه (فقلت استغفروا ربكم انه كان غفارا* يرسل السماء عليكم مدرارا*ويمددكم باموال وبنين ويجعل لكم جنات ويجعل لكم انهارا)فرب العزة ربط موضوع الاستغفار بالامطار وكذلك الاموال والاولاد الخ
لقد فوجئت بمارأيت في الاشعه السينيه قبل العمليه وبعد العمليه وبعد ان انتضمت على الاستغفار وانا اقولكم هذا والله ليس للعجب ولكن للاستفاده ولكسب الاجر ان شاء الله ودعوني اعطيكم مقارنه حيه هذه صورة الاشعه قبل العمليه


[عزيزي الزائر يتوجب عليك التسجيل لمشاهدة الرابط للتسجيل اضغط هنا]



العمليه ولاحضو زياده الاعوجاج درجتين اياكم واهمال هذة الحالات بارك الله فيكم
اما هذي هي الصورة بعد العمليه وزي ماتلاحضون قام بتركيب خطافات ومسامير وقام بتخفيض النسبه الى 30 بالميه



[عزيزي الزائر يتوجب عليك التسجيل لمشاهدة الرابط للتسجيل اضغط هنا]



ومااخفيكم انا لما شفت الاشعه بعد العمليه جاني ضيق شديد او نوع من خيبه الامل لانو انا كنت اعتقد انه راح يرجعه ميه بالميه ولكن رب ضاره نافعه نصحني احد الاخوة بتجربه الاستغفار وسبحان الله الواحد الاحد انها فعلا قدرة الله بعد حوالي خمسه او سته اشهر من العمليه قلت رح يابو حميد وجرب لك اشعه عسى كل شي تمام ورحت وشفت و اللهم لك الحمد شفت بعيني ماحد قلي نقصت النسبه من 30 بالميه الى 22 بالميه الدكتور نفسه استغرب قلي كيف تخفضت النسبه وانتا عمودك مثبت بثلاثه خطاطيف وحوالي 16 مسمار قلت بقلبي (انما امره اذا اراد شيئا أن يقول له كن فيكون ) فسبحان الله
هذي الصورة بعد الانتظام على الاستغفار


[عزيزي الزائر يتوجب عليك التسجيل لمشاهدة الرابط للتسجيل اضغط هنا]


واحد صطل بيقول وش ذا ياخوي مافي فرق انا اقول ركز على السهم اللي بالصورة بعد العمليه وبعدين شف السهم بالصورة اللي بعد الانتظام على الاستغفار رح تلاحظ ان المسمار ارتفع شوي عن الصورة السابقه وهذا دليل التحسن وبالصور كمان على العموم نسيه الفائده كانت 8%


الحين لاخواني اسرد لكم عصاره تجربتي بالخطوات التاليه اللي بأذن الله لو اتبعتها ماراح تندم وراح تدعيلي :
1) عدم الاهمال بأي حال من الاحوال واياك تقول انا مااحس بأي الم بادر بالعمليه لو زادت النسبه عن 30 بالميه واللي وده يتواصل معاي انه بخدمه بعيوني وراح اعطيه عنوان الدكتور
2) عند اكتشافك للمرض عليك ان تحمد الله عز وجل فأن ماحصل هو ذكر من الله ثم تصلي ركعتين حمد وشكر لله على كل حال
3)ارتداء الاحزمه الداعمه للضهر ومن الخطأ ارتدائه طوال اليوم لانه سيؤدي الى اعتماد عضلات الضهر على الحزام وسوف ترتخي وبالتالي ستزيد العبئ على العمود الفقري وهذه صورة للحزام الذي بحوزتي وهو سهل الارتداء من تحت الملابس

مده هذة العمليات تتراوح بين 4 الى 8 ساعات وتأخد اربع قرب دم اما بالنسبه للتكلفه فتصل لحوالي 4000$
6) بعد العمليه هو الاصعب وهي ايام صعبه انا ماودي اخوف حد لكن عشان تكون فكره وعشان الواحد يستعد ويرفع معنوياته وبأذن الله ماراح يشوف الا الخير
7) سيعاني المريض بعد العمليه من الاشياء التاليه ولاخوف عليه لانها طبيعيه
أ) فتور حول معضم مناطق الصدر وبعد حوالي 6 شهور يزول الفتور تماما ايضا فتور في الفخد والركب والسبب ارتخاء العضلات بسبب قله الحركه وعلاجها حركه شوي شوي مع شرب الزنجبيل + عسل + حبه سوداء والحذر من السلالم والانحناء المفاجئ
ب)الاكل هنا سيكون مثل التعذيب ولكن يلزم الاكل واحذرو من الاندومي اللي بهذلني لانو انا ماكانت لي نفس في اي شي فأكلت اندومي وبصراحه بهذلني انصح بتجنبه بعد العمليه والتركيز على الحليب والدجاج المشوي بعد تقشير القشره الخارجيه المليانه كلسترول والعصاير بانواعها ايضا يتجنب البيض الني وحتى الناجح لانه كله مواد كيماويه اللي بتنضاف للبيض وتجنب المخللات واللي ياكل شي من هذي الاشياء الممنوعه بعد العمليه راح يشوف امه عروس
ج) بعد حوالي شهر راح يصير عنده الم شديد في اسفل الحوض وذلك لانه الدكتور يقطع من الحوض ويأخد قطع من عضام الحوض ويرقعها في مفاصل فقرات العمود ايضا مافي خوف في هذة الحاله
د)احتمال انخفاض لعضلات العنق وعضله المتنه وهذي ترجع بالعلاج الطبيعي
ه)المسامير والخطاطيف هذه لاتذوب وانما تكون من ضمن الجسم واللي يقولك تذوب يضحك عليك اللي يحصل انها تتكلس وتصير من نفس الجسم
و) مده المراجعه سته شهور
نأتي الى موضوع الاستغفار وهو السلاح اللي حتى انا استغربت سبحان الله كيف ممكن يتعدل ويتحسن العمود اكثر وهو مثبت بخطاطيف ومسامير فسبحان الله ولكن انتبه للكلام اللي راح اقوله لك
لايعطي الاستغفار مفعوله ادا لم تتوافر الشروط التاليه
أ) كامل اليقين بأن ذكر الله سيشفي ويرد البلاء الذي انت واقع فيه
ب)الصدقه
ج)الالحاح بالدعاء فالله عز وجل يستحي من العبد اللحوح الذي يدعوة دائما
د)الاكثار من النوافل فالله يحب العبد الذي يكثر من النافله
الحين عندي لكم برنامج الاستغفار اليومي اللي بعون الله راح يفيد واللي انا اعتبره السلاح الاستراتيجي لحل جميع المشاكل ومن بينها الشغاء بأذن الله
استغفرالله 100 مرة
الله اكبر 100مره
سبحان الله 100مره
الحمد لله 100
سبحان الله وبحمده سبحان الله العظيم 100مره
سبحان الله والحمد لله ولا اله الا الله والله اكبر 100
لاحول ولاقوة الا بالله العلي العظيم 100
حسبي الله ونعم الوكيل 100
استغفرالله العظيم الذي لا اله الا هو الحي القيوم واتوب اليه 100 مره
لا اله الا انت سبحانك اني كنت من الضالمين 100مره
اللهم صلي على سيدنا محمد وعلى اله وصحبه وسلم 100 مره
رضيت بالله ربا وبالاسلام دينا وبمحمد صلى الله عليه وسلم نبيا ورسولا 3 مرات صباح مساء
والان نأتي للاستغفارات الاخرى بصراحه انا اسويها وتحسنت حالتي بعضهم راح يقول انتا ماعندك دليل من الكتاب والسنه انا اقول سمعت من بعض الناس جزاهم الله خير وطبقتها والحمد لله تحسنت ماتبي تسويها انتا الخسران قد يشوفها البعض غريبه او جديده عليه لكن لها اثر عظيم بأذن الله في تحسين اي مرض وهي
أ)الصلاه الطبيه وهي ( اللهم صلي على سيدنا محمد طب القلوب ودوائها وعافيه الابدان وشفاؤها ونور الابصار وضياؤها وقوت الارواح وغذاؤها وعلى اله وصحبه وسلم )100 مره
ب)ياجبار (اسم من اسماء الله الحسنى حيث ان لكل اسم من اسماء الله الحسنى سر والجبار كما قيل مفيد للعمود الفقري ) 100مره
ياباسط ياواسع (لبسط الرزق وتسهيل الامور بأذن الله)100مره
يالطيف (من الاسم واضح جدا وهو طلب لطف الله بعبده)100مره
ولاننسى ان الله عز وجل قال في كتابه الجليل(ولله الاسماء الحسنى فادعوه بها)
وزي ماقلت لكم النيه ياحبايب قلبي لو ماعندكم نيه بالشفاء نتيجه الاستغفار لاتتعبو انفسكم وازيدكم من الشعر بيت هذا الاستغفار مو بس للمرض هذا الاستغفار للمرضى واي واحد بنفسه شي من زواج او مال والله العظيم ياخواني فيه واحد جزاه الله خير اعطاني هذا الاستغفار ويقولي لما كنت مريض كنت استعملها وكان بنفسي اني اشتغل فجأه واذا بتلفوني يرن كلمني تاجر كبير بالسعوديه وهو يقولي ياخي وينك ماحد سمع صوتك انا والله محتاجك ترا ضروري وهذا رقمي ابغاك تطلع معاي شغل لك قال وانا مستغرب سبحان الله كيف ربي ماينسى عبده قلت له بس انا مريض قلي مايخالف ابيك اول ماتجيك العافيه تطلع على طول يقولي وانا مستغرب وكأنه يعرفني وعادني قلت له انا مريض المفروض كان يشوف حد غيري ومع كذه اصر انو اكون انا فسبحان الله لما تكون النيه صافيه بأن الاستغفار راح يزيل البلوة وانا ان شاء الله مستمر اليوم نقصت 8 بالميه وبكره كمان 8 لين مايتعدل بقدرة الله رغم المسامير ورغم الخطاطيف واياك انك تستمر فترة معينه وتقول استغفرت بس مافي فايده اياك ثم اياك يالحلو لانو الكلام دا معناه انك تعترض على قضاء الله خذ مثل فيا انا 8 بالميه ماكسبتها الا بعد 6 شهور من الاستغفار مافي شي يجي كدة وبعدين ويش هالاستغفار ياحسره والله انو قليل وعلشان تصدقني خذ لك مثل قول استغفر الله بشكل سريع 100 مره واحسب كم من الوقت اللي راح يأخذ منك مش اكثر من 55 ثانيه ذا لوكنت سياره موديل 85 خخخخخخ واكثرهن نفس الشي باستثناء الصلاة الطبيه شويه طويله لكن رسول الله يستاهل كل خير
كمان لاتنسو انه لو حد حب يضاعف الاستغفار راح يختصر الطريق اكثر فلو استغفرت بدل 100 استغفر الله خليتهم 200 وكذا باقي الاستفارات اكيد انك راح تختصر اكثر واللي يمشي بسياره سرعه 50 مو زي اللي يمشي بالضعف اكيد انه راح يوصل قبله في النهايه نرو النشر لتعم الفائده
.
.
.
ا.
.
.
اه نسيت ياحليلكم نسيتوني على طول خخخخ بما انك قريت موضوعي اللي اخذ مني الليل بطوله وثلاثه ايام ادور على سكانر a3 وفي النهايه مالقيت على شان اصور الاشعه فأنت ملزم بالشي التالي :
تدعولي بضهر الغيب ان الله يشفيني من المرض عاجلا وان يسهل جميع اموري
سلام عليكم